Trump lýsir yfir sak­leysi sínu

Í um­fjöllun New York Times segir að for­setinn fyrr­verandi hafi ekki gefið frá sér neina yfir­lýsingu að fyrir­töku lokinni. Hann hyggst ræða við frétta­menn á leiðinni frá borginni og aftur til síns heima í Flórída en síðast þegar hann var ákærður í New York hélt hann mikla ræðu eftir að hann gekk út úr dómsal.

Eins og fram hefur komið hefur Trump verið á­kærður fyrir að hafa reynt að hnekkja úr­slitum í banda­rísku for­seta­kosningunum árið 2020. Hann stóð frammi fyrir dómara í kvöld og lýsti yfir sak­leysi í málinu.

Næsta fyrir­taka í málinu verður þann 28. ágúst næst­komandi. Búist er við því að lög­menn Trump muni gera sitt besta til að tefja mála­ferlin, að því er fram kemur í um­fjöllun New York Times.

Trump er nú í fram­boði til for­seta og rær nú öllum árum að því að tryggja sér út­nefningu Repúblikana­flokksins. Þar á Trump tölu­vert for­skot á mót­herja sína og segir í um­fjöllun banda­ríska miðilsins að á­kæru­valdið reyni nú eftir sem fremsta megni að tryggja að réttar­höld yfir for­setanum fyrr­verandi fari fram eins fljótt og auðið er. Að­stoðar­menn Trump tali leynt og ljóst um að hann muni stöðva mála­ferlin verði hann kosinn for­seti á næsta ári.