Fótbolti

Mitrovic skoraði þrennu í sigri Serba

Hjörvar Ólafsson skrifar
Aleksandar Mitrovic tók skotskóna með sér til Kaunas. 
Aleksandar Mitrovic tók skotskóna með sér til Kaunas.  Vísir/Getty

Aleksandar Mitrovic skoraði öll mörk Serba þegar liðið vann Litáen 1-3 í G-riðli í undankeppni EM 2024 í fótbolta karla í Kaunas í kvöld. 

Mikil spenna er í riðlinum en Ungverjaland og Serbía eru á toppi riðilsins með 10 stig hvort lið og Svartfjallaland kemur þar á eftir með átta stig. 

Albanir tylltu sér svo á topp E-riðils með 2-0 sigri gegn Pólverjum sem eru í fjórða sæti riðilsins með sex stig. Tókkar og Moldóvar eru í öðru til þriðja sæti með átta stig hvort lið. 

Slóvenar hirtu svo toppsætið af Dönum í hnífjöfnum H-riðli með sannfærandi 4-0 sigri gegn San Marínó. Slóvenía og Danmörk eru jöfn með 13 stig og Finnland og Kasakstan eru þar skammt undan með sín 12 stig. 

EM 2024 í Þýskalandi

Mest lesið


Fleiri fréttir

Sjá meira


×

Mest lesið