Nagelsmann tekinn við þýska landsliðinu

Hinn 36 ára gamli Nagelsmann tekur við liðinu af Hansi Flick eftir að sá síðarnefndi var látinn taka poka sinn í kjölfarið á 4-1 tapi gegn Japan í vináttuleik fyrr í þessum mánuði. Undir stjórn Hansi Flick lék þýska liðið 25 leiki og vann aðeins 12 þeirra sem er ekki góður árangur á þýskan mælikvarða.

Nagelsmann hefur verið án starfs síðan hann var látinn fara frá Bayern München í mars á þessu ári, en hann hafði þá verið þjálfari liðsins í minna en tvö ár.

Fyrsti leikur Nagelsmann sem þjálfari þýska landsliðsins verður vináttuleikur gegn Bandaríkjunum í næsta mánuði. Þá er þjálfaranum ætlað að stýra liðinu á EM á næsta ári sem fram fer í Þýskalandi.