Fótbolti

Guðrún skrefi nær riðlakeppninni

Valur Páll Eiríksson skrifar
Guðrún Arnardóttir leikur með FC Rosengård í Svíþjóð.
Guðrún Arnardóttir leikur með FC Rosengård í Svíþjóð. Vísir/Getty

Guðrún Arnardóttir og stöllur hennar í liði Rosengård eru einum leik frá riðlakeppni Meistaradeildarinnar. Liðið vann umspilsleik sinn í dag.

Guðrún spilaði allan leikinn í miðri vörn Rosengård er liðið lagði Spartak Subotica frá Serbíu á heimavelli þeirra síðarnefndu.

Sænska landsliðskonan Caroline Seger kom Rosengård yfir snemma leiks en Zelkja Belovan jafnaði fyrir hlé.

Ria Öling frá Finnlandi skoraði svo sigurmark Rosengård á 72. Mínútu. Rosengård leiðir einvígið því 2-1 fyrir síðari leik liðanna í Svíþjóð í næstu viku.

Guðrún er í landsliðshópi Íslands sem tilkynntur var í dag fyrir leiki Íslands við Danmörku og Þýskaland í Þjóðadeildinni síðar í mánuðinum.

Meistaradeild Evrópu í fótbolta kvenna Sænski boltinn

Mest lesið


Fleiri fréttir

Sjá meira


×

Mest lesið