Dauða­leit að upp­reisnar­mönnum sem myrtu ný­gift hjón

Hjónin nýgiftu voru í brúðkaupsferð á vinsælum ferðamannastað í Úganda þegar þau voru myrt. Leiðsögumaður hjónanna var einnig myrtur og kveikt var í bifreiði þeirra. Hjónin voru frá Bretlandi og Suður-Afríku. 

Forseti landsins fordæmir morðin en segir ferðamannastaðinn, þjóðgarð sem nefndur er eftir Elísabetu heitinni Bretadrottningu, öruggan.

„Þessir hryðjuverkamenn munu fá að gjalda líku líkt. En dauðarefsingin sem þeir eiga yfir höfði sér mun ekki lækna öll sár. Hjónin eru farin og koma ekki aftur. Hjón sem ákváðu að velja Úganda, af öllum 193 löndum í heiminum, sem áfangastað fyrir brúðkaupsferðina. Embættismenn okkar í Bretlandi munu hafa samband við fjölskyldur látnu og veita þeim allan stuðning sem þau þurfa,“ segir Yoweri Museveni forseti Úganda.

Talið er að uppreisnarmennirnir, sem taldir eru tilheyra hryðjuverkahópnum ADF, hafi verið á flótta frá úganska hernum þegar þeir komu auga á hjónin og ákveðið að myrða þau. Hryðjuverkasamtökin hafa tengsl við ISIS og eru á lista yfir hryðjuverkasamtök í Bandaríkjunum og víðar.

Yfirvöld í Bretlandi hafa ráðið breskum ríkisborgurum frá því að ferðast til þjóðgarðarins, að því er fram kemur hjá CNN.