Mæta Ísrael í umspilinu

Dregið var í umspilið í Nyon í Sviss í dag. Drátturinn var í beinni útsendingu á Vísi en upptöku frá honum má sjá í spilaranum hér fyrir neðan.

Ísland dróst gegn Ísrael í undanúrslitum B-riðils umspilsins. Ef Íslendingar vinna Ísraelsmenn mæta þeir Bosníumönnum eða Úkraínumönnum í úrslitaleik um sæti á EM.

Leikirnir í umspilinu fara fram 21. og 26. mars á næsta ári.

Miklar líkur eru á því að báðir leikir Íslands í umspilinu fari fram á hlutlausum velli. Leikurinn gegn Ísrael verður allavega á hlutlausum velli vegna stríðsins í Palestínu og sömuleiðis úrslitaleikurinn ef Úkraína vinnur Bosníu sökum stríðsins í Úkraínu.

Umspilið fyrir EM 2024