Solskjær gæti snúið aftur í þjálfun í Tyrk­landi

Solskjær hefur ekki starfað sem þjálfari síðan hann var látinn taka poka sinn hjá United í nóvember árið 2021 eftir slæmt gengi liðsins í upphafi tímabils það árið.

Breski miðillinn The Mirror greinir nú frá því að Norðmaðurinn sé talinn líklegastur til að taka við Besiktas í tyrknesku úrvalsdeildinni, en félagið leitar nú að sínum þriðja þjálfara á tímabilinu eftir að Riza Calimbay var látinn fara. Calimbay stoppaði stutt við og stýrði liðinu aðeins í sjö leikjum.

Að því er fram kemur á heimasíðu The Mirror er Ole Gunnar Solskjær talinn líklegasti eftirmaður Calimbay og hefur hann nú þegar rætt við forráðamenn félagsins.

Besiktas situr í fimmta sæti tyrknesku deildarinnar með 26 stig eftir 16 leiki, heilum 18 stigum á eftir toppliði Fenerbache. Forráðamenn félagsins eru óánægðir með það sem þeir telja metnaðarlausa tilraun til að gera atlögu að titlinum eða sæti í Meistaradeild Evrópu.