Van­trausts­til­laga lögð fram um leið og þing kemur saman

Frá þessu greinir Morgunblaðið.

„Við höf­um áður sagt að ef rík­is­stjórn­in leys­ir ekki úr þessu máli áður en Alþingi kem­ur sam­an þurfi þingið að grípa inn í. Nú virðist, sam­kvæmt at­hug­un­um okk­ar, sem meiri­hluti sé fyr­ir van­traust­stil­lögu og í ljósi þess má gera ráð fyr­ir að við leggj­um hana fram, verði málið ekki leyst í millitíðinni,“ seg­ir Sig­mund­ur.

Varðandi stuðning hinna stjórnarandstöðuflokkanna segir Sigmundur það myndu koma sér á óvart ef einhver þingmaður andstöðunnar greiddi ekki atkvæði með vantrausti. Þá gefur hann í skyn að nægilega margir stjórnarþingmenn myndu styðja tillöguna til að hún næði í gegn.

Sigmundur segir viðbrögð Svandísar við niðurstöðu Umboðsmanns Alþingis um að hún hafi brotið gegn lögum þegar hún setti tímabundið bann á hvalveiðar „ótrúleg“. Þá segir hann þetta spurningu um jafnræði.

„Það kom mér á óvart að sjá að Bjarni Bene­dikts­son skyldi víkja sem ráðherra án þess að hafa rætt við Vinstri-græna, að því er virðist, að hið sama myndi gilda um þá,“ seg­ir Sig­mund­ur.

Inga Sæland, formaður Flokks fólksins, hefur þegar lýst því yfir að vantrauststillaga verði lögð fram gegn matvælaráðherra þegar þing kemur saman. Sagði hún í samtali við fréttastofu í gær að líklega yrði um að ræða sameiginlega tillögu stjórnarandstöðunnar.