Fótbolti

Stýrði liði í þýsku Bundesligunni fyrst kvenna

Óskar Ófeigur Jónsson skrifar
Marie-Louise Eta, eini kvenþjálfarinn í sögu þýsku deildarinnar, er með hundrað prósent árangur.
Marie-Louise Eta, eini kvenþjálfarinn í sögu þýsku deildarinnar, er með hundrað prósent árangur. Getty/Maja Hitij

Konurnar halda áfram að breyta fótboltasögunni og Marie-Louise Eta tók sögulegt skref í þýska fótboltanum í gær.

Marie-Louise varð þá fyrsta konan til að stýra liði í þýsku Bundesligunni. Hún stýrði þá liði Union Berlin í 1-0 sigri á Darmstadt.

Nenad Bjelica er og verður þjálfari liðsins en hann tók út leikbann í leik helgarinnar.

Hann fékk bannið fyrir að slá til Bayern München leikmannsins Leroy Sane í leiknum á undan.

Eta er 32 ára gömul og varð aðstoðarþjálfari Berlínarliðsins í vetur. Hún hafði áður þjálfað yngri landslið Þýskalands.

Eta var sjálf leikmaður og vann Meistaradeildina með Turbine Potsdam árið 2010 og þýsku deildina þrisvar sinnum.

Þýski boltinn

Mest lesið


Fleiri fréttir

Sjá meira


×

Mest lesið