Það var líf og fjör á opnun samsýningarinnar D-vítamín í Hafnarhúsinu. SAMSETT
Margt var um manninn á Listasafni Reykjavíkur í Hafnarhúsinu síðastliðið fimmtudagskvöld. Menningarþyrstir gestir komu þangað að sækja sér auka skammt af skapandi orku úr myndlistarlífi samtímans hérlendis á samsýningunni D-vítamín.
Á sýningunni kemur saman úrval upprennandi listamanna með glæný og nýleg verk í anda þeirrar hefðar sem mótast hefur í áralangri sýningarröð Listasafns Reykjavíkur í D-sal.
Nýverið var þar haldin fimmtugasta sýningin og ákveðið var að bregða aðeins út af vananum af því tilefni. Nú teygir verkefnið sig út fyrir veggi D-salar og öll efri hæð Hafnarhúss er undirlögð.
Í fréttatilkynningu segir:
„Með hliðsjón af því sem er í deiglunni um þessar mundir má hér á sýningunni greina ýmsa sameiginlega þræði. Auk þrotlausrar tilraunamennsku með efni og miðla er listamönnum umhugað um að halda á lofti mennskunni í einhvers konar viðbragði við ört vaxandi einsleitni, sjálfvirkni, fjöldaframleiðslu og gervigreind.
Verkin draga fram hið einstaklingsbundna, líkamann, sköpunargáfu, tilfinningagreind, handverk, frásagnarlist og arfleifð. Þessir þættir og fleiri endurspegla dýpt tilverunnar og margbreytileika einstaklinga í nútímasamfélagi.
Sýningaröðin í D-sal hóf göngu sína árið 2007. Þar hefur listamönnum sem hafa mótandi áhrif á íslenska myndlistarsenu verið boðið að halda sína fyrstu einkasýningu í opinberu safni. Samsýningin nú, D-vítamín, er unnin af sérfræðingum safnsins úr fjölda innsendra tillagna.“
Listamenn sýningarinnar eru Halla Einarsdóttir, Hákon Bragason, Hrefna Hörn Leifsdóttir, Joe Keys, Katrín Agnes Klar, Kristín Karólína Helgadóttir, Kristín Morthens, Lukas Bury, Weronika Balcerak, Nína Óskarsdóttir, Ragnhildur Weisshappel, Sigrún Gyða Sveinsdóttir, Sólbjört Vera Ómarsdóttir, Una Margrét Árnadóttir og Þórður Hans Baldursson.
Sýningarstjórar eru Aldís Snorradóttir, Becky Forsythe, Björk Hrafnsdóttir og Þorsteinn Freyr Fjölnisson.
Hér má sjá nokkrar vel valdar myndir af opnuninni:
Hermigervill hélt uppi stuðinu.Róbert ReynissonEinar Þorsteinsson borgarstjóri hélt tölu. Róbert ReynissonHalla Einarsdóttir, Hákon Bragason, Hrefna Hörn Leifsdóttir, Joe Keys, Katrín Agnes Klar, Kristín Karólína Helgadóttir, Kristín Morthens, Lukas Bury, Weronika Balcerak, Nína Óskarsdóttir, Ragnhildur Weisshappel, Sigrún Gyða Sveinsdóttir, Sólbjört Vera Ómarsdóttir, Una Margrét Árnadóttir og Þórður Hans Baldursson standa að samsýningunni en hér má sjá brot af hópnum.Róbert ReynissonSteinunn Vala Pálsdóttir, meðlimur Viibra Flutes. Hún kom að listaverki Þórðar Hans á sýningunni. Róbert ReynissonSýningarstjórarnir Björk Hrafnsdóttir, Þorsteinn Freyr Fjölnisson, Aldís Snorradóttir og Becky Forsythe ásamt Ólöfu K. Sigurðardóttur safnstjóra. Róbert ReynissonÓlöf K. Sigurðardóttir ávarpar gesti sem voru á öllum aldri. Róbert ReynissonSalka Rósinkranz, Hákon Bragason og Björk Hrafnsdóttir. Róbert ReynissonSólbjört Vera og Almar Atlason.Róbert ReynissonGestir virða fyrir sér verk Kristínar Karólínu.Róbert ReynissonÞórður Hans fékk tónlistarkonurnar Steiney Sig, Sigrúnu Gyðu og Steinunni Völu Pálsdóttur til að vera hluti af listaverkinu. Róbert ReynissonListamenn notast við alls kyns miðla á sýningunni. Róbert ReynissonEllen Calmon og Heiða Björg Hilmisdóttir skemmtu sér vel í góðra vina hópi. Róbert ReynissonElsa Jónsdóttir, Hlynur Helgi Hallgrímsson og Þórdís Hulda Árnadóttir.Róbert ReynissonKasia og Alexandra.Róbert ReynissonListakonan Halla Einarsdóttir lék listir sínar fyrir áhorfendur. lSigrún Gyða er bæði með tónverk á sýningunni og syngur í verki Þórðar Hans.Róbert ReynissonÞessar voru ánægðar með sýninguna. Róbert ReynissonMammút meðlimirnir og tónlistarkonurnar Alexandra Baldursdóttir og Katrína Mogensen ásamt listakonunni Kristínu Morthens í miðjunni.Róbert ReynissonÞað var líf og fjör í Hafnarhúsinu. Róbert ReynissonMarkús Þór Andrésson og Birta Guðjónsdóttir brostu breitt.Róbert ReynissonJón Helgi Hólmgeirsson, vöruhönnuður, Vigdís Hafliðadóttir, söngkona, Hörður Sveinsson, ljósmyndari og Vigdís dóttir hans.Róbert ReynissonLíf og fjör.Róbert Reynisson
