Körfubolti

Martin og fé­lagar tóku sópinn með sér

Runólfur Trausti Þórhallsson skrifar
Martin Hermannsson á ferðinni í leik gegn Bayern.
Martin Hermannsson á ferðinni í leik gegn Bayern. Getty Images/Mathias Renner

Landsliðsmaðurinn Martin Hermannsson og liðsfélagar hans í Alba Berlín eru komnir í undanúrslit þýsku úrvalsdeildarinnar í körfubolta þökk sé sópi á Bonn í 8-liða úrslitum.

Alba Berlín átti ekki í miklum vandræðum með Bonn í dag og vann á endanum sjö stiga sigur, 93-86. Liðin voru að mætast í þriðja sinn og þurfti Bonn á sigri að halda til að eiga möguleika á gera seríuna spennandi. Það gekk ekki og Alba Berlín komið í undanúrslit.

Martin var duglegur að mata félaga sína af stoðsendingum en alls gaf hann sex slíkar og skoraði jafn mörg stig. Þá tók hann eitt frákast. John Thiemann og Louis Olinde voru stigahæstir hjá Alba Berlín með 18 stig hvor.

Körfubolti Þýski boltinn

Mest lesið


Fleiri fréttir

Sjá meira


×

Mest lesið