Það kom á óvart þegar Gareth Southgate, landsliðsþjálfari, valdi hinn 28 ára gamla vinstri bakvörð í lokahóp Englands fyrir EM sem nú fer fram í Þýskalandi. Hann hefur verið frá vegna meiðsla síðan í febrúar en Shaw var meira og minna meiddur allt síðasta tímabil. Alls kom hann við sögu í 15 leikjum Man United á leiktíðinni.
Luke Shaw joins England's training session for the first time at Euro 2024 ✅ pic.twitter.com/t24s9bwGMF
— Football on TNT Sports (@footballontnt) June 24, 2024
Þrátt fyrir það valdi Southgate hann í hópinn með það að leiðarljósi að hann yrði leikfær þegar liði á EM. Það er að ganga eftir og Shaw byrjaður að æfa á nýjan leik. Hægri bakvörðurinn Kieran Trippier hefur spilað í vinstri bakverðinum hjá Englandi á mótinu en liðið hefur ekki staðið undir væntingum til þessa.
England mætir Slóveníu annað kvöld þegar C-riðill klárast. England er með fjögur stig á toppi riðilsins, Danmörk og Slóvenía eru með tvö stig á meðan Serbía rekur lestina með stakt stig.