Lög­reglu­maður traðkaði á höfði manns

Í myndskeiðinu sést einkennisklæddur lögreglumaður standa yfir manninum og miða rafbyssu á hann áður en hann sparkar þéttingsfast tvisvar í höfuð mannsins. Á meðan á þessu stendur beina samstarfsmenn lögreglumannsins því til viðstaddra að halda sig fjarri.

Í tilkynningu frá lögreglunni í Manchester segir að ráðist hefði verið að vopnuðum lögreglumönnum á meðan þeir reyndu að handtaka mann í kjölfar slagsmála í flugstöðinni. Lögreglan hafi sjálf tilkynnt atvikið til þar til yfirvalda.

Atvikið hefur valdið talsverðri reiði í Bretlandi og nokkur hundruð manns söfnuðust saman fyrir framan lögreglustöð í Manchester og mótmæltu í gærkvöldi, að því er segir í frétt breska ríkisútvarpsins um málið.