Sport

Fagnaði eins og Cristiano Ronaldo eftir ó­vænt gull á ÓL

Óskar Ófeigur Jónsson skrifar
Brian Daniel Pintado fagnar Ólympíugullinu í dag.
Brian Daniel Pintado fagnar Ólympíugullinu í dag. Getty/Alvaro Diaz

Ekvadorinn Brian Daniel Pintado varð í dag óvænt Ólympíumeistari í 20 kílómetra göngu á leikunum í París.

Það var enginn að tala um Pintado fyrir keppnina og sigur hans kom því mörgum mjög á óvart.

Hann kláraði fjórtán sekúndum á undan Brasilíumanninum Caio Bonfim. Spánverjinn Álvaro Martín fékk bronsið.

Eftir sigurinn þá fagnaði Pintado eins og portúgalski knattspyrnumaðurinn Cristiano Ronaldo.

Þetta eru aðeins fjórðu gullverðlaun Ekvador á Ólympíuleikum en það fyrsta kom einnig í þessari sömu grein á leikunum 1996.

Pintado er 29 ára gamall og var fánaberi Ekvador á setningarhátíðinni á Signu.

Frjálsar íþróttir Ólympíuleikar 2024 í París

Mest lesið


Fleiri fréttir

Sjá meira


×

Mest lesið