Fótbolti

Adam Ægir með þrennu í fyrsta leik með Perugia

Siggeir Ævarsson skrifar
Markaskorarar kvöldsins sáttir í leikslok
Markaskorarar kvöldsins sáttir í leikslok Twitter@ACPerugiaCalcio

Það má heldur betur segja að Adam Ægir Pálsson hafi fengið fljúgandi start í ítalska boltanum en hann skoraði þrennu og lagði upp mark í sínum fyrsta leik í kvöld.

Perugia sótti Latina heim í ítalska neðri deildar bikarnum og fór með þægilegan 1-4 sigur af hólmi. Adam lagði upp fyrsta mark leiksins um miðjan fyrri hálfleik fyrir Daniele Montevago og skoraði svo þrjú sjálfur í seinni hálfleik.

Þetta var eins og áður sagði fyrsti leikur Adams fyrir liðið en hann var lánaður til Ítalíu frá Val um miðjan júlí. Hann er samningsbundinn Valsmönnum til ársloka 2026 en Perugia hefur forkaupsrétt á honum.

Fyrsti leikur Perugia í ítölsku C-deildinni verður þann 24. ágúst, þegar liðið sækir Pianese heim.

Fótbolti Ítalski boltinn

Tengdar fréttir

Adam búinn að semja við Perugia

Fótboltamaðurinn Adam Ægir Pálsson hefur samið við ítalska C-deildarliðið Perugia. Hann staðfesti þetta í samtali við Vísi.

Mest lesið


Fleiri fréttir

Sjá meira


×

Mest lesið