Hjálpaði Anníe Mist á heimsleikunum en var svo settur á svartan lista Óskar Ófeigur Jónsson skrifar 22. ágúst 2024 08:32 Anníe Mist Þórisdóttir lenti í miklum vandræðum í þriðji greininni á heimsleikunum árið 2015. Hún hélt áfram eftir að hafa fengið hitaslag en það varð á endanum til þess að hún hætti keppni. @crossfitgames Læknir sem reyndi að hjálpa Anníe Mist Þórisdóttur þegar hún fékk hitaslag á heimsleikunum 2015, segir farir sínar ekki sléttar þegar kemur að því að benda skipuleggjendum CrossFit heimsleikanna á hættulegar aðstæður fyrir keppendur. Læknirinn heitir Adam Schulte. Hann var sjálfboðaliði í læknaliði heimsleikanna fyrir níu árum síðan þegar hann vogaði sér að gagnrýna hvernig staðið var að öryggi keppenda. Hann sást aldrei aftur á leikunum. Allt bendir í sömu átt Morning Chalk Up ræddi við Schulte en mikil umræða hefur verið um öryggi keppenda eftir að Lazar Dukic drukknaði í fyrstu grein heimsleikanna í ár. Í framhaldinu hafa margir úr hópi besta CrossFit fólks heims gagnrýnt það að ekkert var hlustað á varnaðarorð þeirra undanfarin ár. Saga þessa læknis er enn eitt dæmið um það að það voru vissulega næg tækifæri fyrir yfirmenn heimsleikanna til að bregðast við og passa betur upp á öryggi keppenda á heimsleikunum. Í staðinn var ákvörðunin að stinga hausnum í sandinn og losa sig við eða hunsa allar gagnrýnisraddir. Schulte hafði verið fastagestur á leikunum þar til að hann gagnrýndi stjórnendur leikanna. Hann var sem dæmi í læknaliðinu á bæði heimsleikunum 2013 og 2014 og aðstoðaði líka í undankeppninni fyrir leikana á þessum árum. Hugaði að Anníe þegar hún fékk hitaslag Í tilfelli Anníe Mistar þá var hún að glíma við hina krefjandi Murph æfingu í miklum hita og fékk hitaslag. Schulte sá að eitthvað var að, kom til Anníe og gekk með henni. Schulte segist hafa séð að Anníe hafi verið föl og gráleit yfirlitum og hafi virkað ráðvillt. Anníe Mist Þórisdóttir hefur klárað alla heimsleika sem hún hefur byrjað nema þessa árið 2015.@anniethorisdottir Anníe hætti seinna keppni á þessum heimsleikum vegna afleiðinganna af þessum hitaslagi. Þetta eru einu heimsleikarnir sem hún hefur byrjað en ekki klárað. Urðu að leyfa þeim að halda áfram Schulte segir að læknarnir á heimsleikunum hafi ekki haft heimild til að stoppa keppendur þótt þeir óttuðust um öryggi þeirra. „Við höfðum ekki leyfi til þess. Ef íþróttamaður ætlaði sér að halda áfram, þá gátum við spurt þau um það hvort þau væru viss um að þau gætu haldið áfram en svo urðum við bara að leyfa þeim halda áfram,“ sagði Schulte. Schulte ræddi það líka þegar leið yfir Köru Saunders eftir að hún kláraði sömu æfingu. Það var augljóst að hans mati að hún þurfti á læknisaðstoð að halda og það strax. Skrifaði pistil um öryggi keppenda Í greininni kemur fram að það þekki ekki margir nafn Schulte og það sé vegna þess að hann var settur á svartan lista. Hann skrifaði pistil á netið eftir þessa heimsleika þar sem hann gagnrýndi CrossFit samtökin fyrir að hugsa ekki nógu mikið um heilsu og öryggi keppenda. View this post on Instagram A post shared by Annie Thorisdottir (@anniethorisdottir) Hann hefur ekki fengið að vinna á CrossFit móti síðan, hvorki á heimsleikunum eða öðrum mótum tengdum CrossFit samtökunum. Hann vildi fá að hjálpa til á heimsleikunum 2016 en fékk skýr svör um að nærveru hans væri ekki óskað. Nú eru þau örvæntingarfull Schulte segist sjá eftir því að hafa ekki fundið réttu leiðina til að koma breytingum í gegn. „Ef ég hefði fundið réttu orðin og réttu aðferðina. Ég held samt að ekkert okkar, hvort sem við vorum íþróttafólk eða sjálfboðaliðar, hefðum getað náð athygli þeirra og fengið þau til að gera réttu breytingarnar,“ sagði Schulte. „Það átti samt aldrei að þurfa að koma til dauðsfall hjá keppenda til að vekja þau af þessum blundi. Nú eru þau örvæntingarfull og finnst þau þurfa að breyta öllu,“ sagði Schulte. Það má lesa meira um þetta hér. View this post on Instagram A post shared by Morning Chalk Up (@morningchalkup) CrossFit Mest lesið Uppgjörið: KA - Silkeborg 2-3 | Akureyringar úr leik Fótbolti Uppgjörið: Víkingur - Vllaznia 4-2 | Víkingar áfram eftir framlengingu Fótbolti Íslensk landsliðskona skrifar um glímu sína við átröskun Handbolti Trump gæti bannað Brasilíumönnum að mæta á HM í fótbolta Fótbolti McGregor tapaði áfrýjun og þarf að borga konunni sem hann nauðgaði Sport Þurfa að sanna að þær séu konur áður en þær fá að keppa á HM Sport Uppgjörið: Valur - Kauno Zalgiris 1-2 | Valsmenn úr leik Fótbolti Þrír verða heima meðan landsliðið fer til Ítalíu Körfubolti Breyttir tímar hjá Man. United: Höjlund skoraði í stórsigri Enski boltinn Eigendur Liverpool eyða meira í Isak en í að kaupa fótboltafélag í Madrid Enski boltinn Fleiri fréttir „Heyri í mínum mönnum í FCK“ „Svekktur og stoltur á sama tíma“ „Sleikjum sárin í kvöld“ Orri Sigurður: Ekki eins og heimurinn sé að farast „Sætt að þetta gerðist á 91. mínútu“ Sænska landsliðskonan Zigiotti til liðs við Rauðu djöflana Ólafur og Ásmundur kalla þetta gott með landsliðinu Uppgjörið: Víkingur - Vllaznia 4-2 | Víkingar áfram eftir framlengingu Uppgjörið: Valur - Kauno Zalgiris 1-2 | Valsmenn úr leik KR sækir Arnar Frey af bekknum hjá HK Uppgjörið: Breiðablik - ÍBV 3-2 | Blikar í úrslit eftir ótrúlega endurkomu Uppgjörið: KA - Silkeborg 2-3 | Akureyringar úr leik Holland fór illa með stelpurnar okkar í seinni hálfleik Barcelona heiðrar Kobe Bryant með sérstökum búningi Tónlist og partýstemming á Meistaramóti Íslands í tíu þúsund metrum Hafnaði Los Angeles og valdi frekar Vancouver McGregor tapaði áfrýjun og þarf að borga konunni sem hann nauðgaði Callum Lawson aftur til Valsmanna Þrír verða heima meðan landsliðið fer til Ítalíu „Í þeirra augum er það skandall ef þeir detta út á móti KA“ Sjáðu mörkin fjögur hjá United í nótt Arsenal skoraði ekki og tapaði í fyrsta leik Gyokeres Börsungar skoruðu sjö mörk í tíu marka leik Bætti fjórtán ára heimsmet um ótrúlega heila sekúndu „Þeir sannfærðu okkur um að þetta hafi verið algjörlega einstakt tilfelli“ Fjórtán er vinsælasta númer sumarsins Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Eigendur Liverpool eyða meira í Isak en í að kaupa fótboltafélag í Madrid „Nákvæmlega það sem ég hef verið að sjá fyrir mér“ Isak æfir hjá Orra Steini og félögum Sjá meira
Læknirinn heitir Adam Schulte. Hann var sjálfboðaliði í læknaliði heimsleikanna fyrir níu árum síðan þegar hann vogaði sér að gagnrýna hvernig staðið var að öryggi keppenda. Hann sást aldrei aftur á leikunum. Allt bendir í sömu átt Morning Chalk Up ræddi við Schulte en mikil umræða hefur verið um öryggi keppenda eftir að Lazar Dukic drukknaði í fyrstu grein heimsleikanna í ár. Í framhaldinu hafa margir úr hópi besta CrossFit fólks heims gagnrýnt það að ekkert var hlustað á varnaðarorð þeirra undanfarin ár. Saga þessa læknis er enn eitt dæmið um það að það voru vissulega næg tækifæri fyrir yfirmenn heimsleikanna til að bregðast við og passa betur upp á öryggi keppenda á heimsleikunum. Í staðinn var ákvörðunin að stinga hausnum í sandinn og losa sig við eða hunsa allar gagnrýnisraddir. Schulte hafði verið fastagestur á leikunum þar til að hann gagnrýndi stjórnendur leikanna. Hann var sem dæmi í læknaliðinu á bæði heimsleikunum 2013 og 2014 og aðstoðaði líka í undankeppninni fyrir leikana á þessum árum. Hugaði að Anníe þegar hún fékk hitaslag Í tilfelli Anníe Mistar þá var hún að glíma við hina krefjandi Murph æfingu í miklum hita og fékk hitaslag. Schulte sá að eitthvað var að, kom til Anníe og gekk með henni. Schulte segist hafa séð að Anníe hafi verið föl og gráleit yfirlitum og hafi virkað ráðvillt. Anníe Mist Þórisdóttir hefur klárað alla heimsleika sem hún hefur byrjað nema þessa árið 2015.@anniethorisdottir Anníe hætti seinna keppni á þessum heimsleikum vegna afleiðinganna af þessum hitaslagi. Þetta eru einu heimsleikarnir sem hún hefur byrjað en ekki klárað. Urðu að leyfa þeim að halda áfram Schulte segir að læknarnir á heimsleikunum hafi ekki haft heimild til að stoppa keppendur þótt þeir óttuðust um öryggi þeirra. „Við höfðum ekki leyfi til þess. Ef íþróttamaður ætlaði sér að halda áfram, þá gátum við spurt þau um það hvort þau væru viss um að þau gætu haldið áfram en svo urðum við bara að leyfa þeim halda áfram,“ sagði Schulte. Schulte ræddi það líka þegar leið yfir Köru Saunders eftir að hún kláraði sömu æfingu. Það var augljóst að hans mati að hún þurfti á læknisaðstoð að halda og það strax. Skrifaði pistil um öryggi keppenda Í greininni kemur fram að það þekki ekki margir nafn Schulte og það sé vegna þess að hann var settur á svartan lista. Hann skrifaði pistil á netið eftir þessa heimsleika þar sem hann gagnrýndi CrossFit samtökin fyrir að hugsa ekki nógu mikið um heilsu og öryggi keppenda. View this post on Instagram A post shared by Annie Thorisdottir (@anniethorisdottir) Hann hefur ekki fengið að vinna á CrossFit móti síðan, hvorki á heimsleikunum eða öðrum mótum tengdum CrossFit samtökunum. Hann vildi fá að hjálpa til á heimsleikunum 2016 en fékk skýr svör um að nærveru hans væri ekki óskað. Nú eru þau örvæntingarfull Schulte segist sjá eftir því að hafa ekki fundið réttu leiðina til að koma breytingum í gegn. „Ef ég hefði fundið réttu orðin og réttu aðferðina. Ég held samt að ekkert okkar, hvort sem við vorum íþróttafólk eða sjálfboðaliðar, hefðum getað náð athygli þeirra og fengið þau til að gera réttu breytingarnar,“ sagði Schulte. „Það átti samt aldrei að þurfa að koma til dauðsfall hjá keppenda til að vekja þau af þessum blundi. Nú eru þau örvæntingarfull og finnst þau þurfa að breyta öllu,“ sagði Schulte. Það má lesa meira um þetta hér. View this post on Instagram A post shared by Morning Chalk Up (@morningchalkup)
CrossFit Mest lesið Uppgjörið: KA - Silkeborg 2-3 | Akureyringar úr leik Fótbolti Uppgjörið: Víkingur - Vllaznia 4-2 | Víkingar áfram eftir framlengingu Fótbolti Íslensk landsliðskona skrifar um glímu sína við átröskun Handbolti Trump gæti bannað Brasilíumönnum að mæta á HM í fótbolta Fótbolti McGregor tapaði áfrýjun og þarf að borga konunni sem hann nauðgaði Sport Þurfa að sanna að þær séu konur áður en þær fá að keppa á HM Sport Uppgjörið: Valur - Kauno Zalgiris 1-2 | Valsmenn úr leik Fótbolti Þrír verða heima meðan landsliðið fer til Ítalíu Körfubolti Breyttir tímar hjá Man. United: Höjlund skoraði í stórsigri Enski boltinn Eigendur Liverpool eyða meira í Isak en í að kaupa fótboltafélag í Madrid Enski boltinn Fleiri fréttir „Heyri í mínum mönnum í FCK“ „Svekktur og stoltur á sama tíma“ „Sleikjum sárin í kvöld“ Orri Sigurður: Ekki eins og heimurinn sé að farast „Sætt að þetta gerðist á 91. mínútu“ Sænska landsliðskonan Zigiotti til liðs við Rauðu djöflana Ólafur og Ásmundur kalla þetta gott með landsliðinu Uppgjörið: Víkingur - Vllaznia 4-2 | Víkingar áfram eftir framlengingu Uppgjörið: Valur - Kauno Zalgiris 1-2 | Valsmenn úr leik KR sækir Arnar Frey af bekknum hjá HK Uppgjörið: Breiðablik - ÍBV 3-2 | Blikar í úrslit eftir ótrúlega endurkomu Uppgjörið: KA - Silkeborg 2-3 | Akureyringar úr leik Holland fór illa með stelpurnar okkar í seinni hálfleik Barcelona heiðrar Kobe Bryant með sérstökum búningi Tónlist og partýstemming á Meistaramóti Íslands í tíu þúsund metrum Hafnaði Los Angeles og valdi frekar Vancouver McGregor tapaði áfrýjun og þarf að borga konunni sem hann nauðgaði Callum Lawson aftur til Valsmanna Þrír verða heima meðan landsliðið fer til Ítalíu „Í þeirra augum er það skandall ef þeir detta út á móti KA“ Sjáðu mörkin fjögur hjá United í nótt Arsenal skoraði ekki og tapaði í fyrsta leik Gyokeres Börsungar skoruðu sjö mörk í tíu marka leik Bætti fjórtán ára heimsmet um ótrúlega heila sekúndu „Þeir sannfærðu okkur um að þetta hafi verið algjörlega einstakt tilfelli“ Fjórtán er vinsælasta númer sumarsins Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Eigendur Liverpool eyða meira í Isak en í að kaupa fótboltafélag í Madrid „Nákvæmlega það sem ég hef verið að sjá fyrir mér“ Isak æfir hjá Orra Steini og félögum Sjá meira