Hættir við að hætta til að mæta Ís­landi

Allen hætti í landsliðinu í febrúar 2023 en hefur ákveðið að gefa kost á sér í það að nýju vegna meiðsla Aarons Ramsey og Ethans Ampadu.

Hinn 34 ára Allen, sem leikur með Swansea City, hefur leikið 74 landsleiki og skorað tvö mörk. Hann lék með Wales á EM 2016 og 2020 og HM 2022.

Walesverjar mæta Íslendingum á Laugardalsvelli 11. október. Þremur dögum síðar taka þeir svo á móti Svartfellingum í Cardiff.

Åge Hareide, landsliðsþjálfari Íslands, tilkynnir sinn hóp í dag.