Sköpun er efnahagsmál: Tími fyrir öðruvísi nálgun Björn Leví Gunnarsson skrifar 6. nóvember 2024 08:31 Það er oft sagt að sköpun sé hjarta samfélagsins. Við þekkjum öll innblásturinn sem listir veita okkur - hvort heldur sem er í gegn um tónlist, myndlist, dans, ljóð, húmor, … - allt gefur þetta lífinu lit. En það er ákveðið litleysi yfir samfélaginu í dag. Ekki bara vegna þess að dagurinn styttist stöðugt heldur er ákveðinn þungi yfir öllu. Mér líður eins og samfélagið sé í ákveðnu þunglyndi núna. Efnahagsmálin eru þung. Stjórnmálin eru þung. Heilbrigðismálin, menntamálin og meira að segja lýðræðið er þunglamalegt. Það er búinn að vera langur aðdragandi að þessum skyndikosningum sem er verið að demba yfir okkur daginn fyrir aðventuna - enn eitt vesenið sem stjórnmálin eru að angra okkur með. Og hvað svo? Fáum við það sama aftur á næsta kjörtímabili þangað til flokkspólitíkinni dettur í hug að sinna lýðræðinu aftur - rétt í kringum kosningar? Hvað getum við gert til þess að laga þetta? Kjósum öðruvísi Já. Nú er tími til þess að gera eitthvað öðruvísi eins og Einstein sagði. Sköpun kemur víða við sögu, meðal annars í tækni, opinberri stjórnsýslu og lýðræði. Sköpun er drifkraftur framfara og velferðar. En hvað gerist þegar við gleymum að styðja við þessa krafta? Sköpun er ekki aðeins efnahagslegt mál, hún er einnig menningarleg eða félagsleg. Til að byggja upp sterkt og sjálfbært hagkerfi verðum við að fjárfesta í sköpun á öllum sviðum samfélagsins - út um allt land. Aðgengi að menningu er næring fyrir sálina og lýðræðið Listir og menning spegla ekki aðeins samfélagið; þær móta það einnig. Þegar við tryggjum að allir hafi aðgang að listum og menningu, óháð efnahag eða stöðu, stuðlum við að heilbrigðara og réttlátara samfélagi. Píratar telja mikilvægt að líta á menningu og skapandi greinar sem eina af undirstöðuatvinnugreinum þjóðarinnar og sem efnahagslega og samfélagslega fjárfestingu fyrir framtíðina, en ekki sem kostnað líðandi stundar. Áhersla á listmenntun og nýsköpun í menntakerfinu Listmenntun leikur lykilhlutverk í að rækta gagnrýna hugsun, skapandi færni og almennt læsi á samfélagið. Með því að efla listmenntun á öllum skólastigum stuðlum við að fjölbreyttu og kraftmiklu menningarlífi. Píratar vilja leggja áherslu á einstaklingsmiðað nám sem tekur mið af hæfileikum og áhuga hvers nemanda. Með því að innleiða nýsköpun í menntakerfinu - ekki bara á sviði hinna klassísku og óhefðbundnu listgreina heldur líka með kennslu í gervigreind, gagnavísindum og forritun - undirbúum við komandi kynslóðir fyrir framtíðaráskoranir. Aðgengi að listum og menningu fyrir alla Píratar vilja tryggja að allir hafi jafnan rétt til að njóta lista og menningar, óháð efnahag, búsetu eða uppruna. Með því að auka aðgengi að listmenntun og menningarstofnunum, hampa barnamenningu og styðja við menningarstofnanir, stuðlum við að félagslegri samheldni og efnahagslegri þróun. Aðgangur að menningu er næring fyrir bæði sálina og lýðræðið og stuðlar auk þess að heilbrigðu og skapandi samfélagi. Nýsköpun sem drifkraftur efnahagslífsins Nýsköpun út um allt land er lykillinn að sjálfbærri verðmætasköpun. Einföldum hvernig við stofnum og fjármögnun nýsköpunarfyrirtæki og aukum styrki til grænna sprota. Þannig getum við byggt upp fjölbreytt og öflugt samfélag. Efnahagsleg rörsýn atvinnulífsflokkanna gleymir alltaf heildarsamhenginu. Þó atvinnulífið sé mikilvægt þá er það bara hluti af samfélaginu í heild sinni. Píratar vilja byggja upp aðstöðu til nýsköpunar á öllum sviðum samfélagsins í náinni samvinnu við bæði sveitarfélög og frumkvöðla ásamt því að innleiða nýsköpun í opinberum rekstri ná þannig hagræðingu með nýrri tækni og þekkingu. Sköpun í opinberri stjórnsýslu og lýðræði Nýsköpun á ekki aðeins við um atvinnulífið heldur einnig um opinbera stjórnsýslu. Með því að innleiða nýskapandi lausnir í stjórnsýslunni getum við aukið skilvirkni, gagnsæi og þátttöku almennings. Píratar vilja efla lýðræðislega þátttöku og ábyrgð með því að tryggja frumkvæðisrétt og málskotsrétt almennings í nýrri stjórnarskrá, sem mun stuðla að heilbrigðara og skapandi lýðræðissamfélagi. Við þurfum að taka valdið af stjórnmálaflokkunum þannig að það sé ekki bara lýðræði á fjögurra ára fresti eða hvenær sem þeim dettur í hug að boða til skyndikosninga. Sköpun sem grunnur að sjálfbærri framtíð Sjálfvirknivæðing, gervigreind og aðrar tækninýjungar breyta samfélaginu hratt. Til að tryggja að Ísland sé í fararbroddi í þessari þróun þarf að efla menntun og færniþróun í tengslum við gervigreind og nýsköpun. Píratar vilja gera Ísland að miðstöð þekkingar og grænnar nýsköpunar með því að stofna alþjóðlegt þekkingar- og nýsköpunarsetur á sviði umhverfis- og loftslagsmála og auka samvinnu við háskóla innan lands og utan. Samspil sköpunar og efnahagsmála Sköpun hefur ekki aðeins menningarlegt gildi; hún er efnahagslegt afl sem drífur samfélagið áfram. Því þegar allt kemur til alls þá er hagkerfið í raun ekkert annað en samskipti milli fólks með tungumáli sem heitir gjaldmiðill. Eins og uppáhalds hagfræðingurinn minn segir, að til þess að skilja hagkerfið þá þarf að skilja mannlega hegðun. Ekkert tjáir mannlega hegðun meira en sköpun - í víðu samhengi þess orðs. Með því að fjárfesta í sköpun á öllum sviðum - í listum, menntun, tækni, opinberri stjórnsýslu, lýðræði - getum við byggt upp sterkt, sjálfbært og réttlátt samfélag. Það er kominn tími til að viðurkenna að sköpun er aðal efnahagsmálið og gera hana að forgangsatriði í stefnumótun og fjárfestingum. Píratar vilja stunda nýja pólitík sem setur sköpun í forgrunn, til hagsbóta fyrir alla þjóðina. Höfundur skipar 1. sæti á lista Pírata í Reykjavíkurkjördæmi suður. Viltu birta grein á Vísi? Sendu okkur póst. Senda grein Björn Leví Gunnarsson Skoðun: Alþingiskosningar 2024 Píratar Mest lesið 76 dagar Erlingur Sigvaldason Skoðun Húsnæðisbæturnar sem hurfu Ragnar Sigurður Kristjánsson Skoðun Sporin þín Valtýr Soffía Sigurðardóttir Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Á hvaða ári er Inga Sæland stödd? Snorri Másson Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Skýr stefna um málfrelsi Róbert H. Haraldsson Skoðun Skoðun Skoðun Ný sókn í menntamálum – tækifæri eða hliðarskref? Ingibjörg Isaksen skrifar Skoðun Á hvaða ári er Inga Sæland stödd? Snorri Másson skrifar Skoðun Eru börn innviðir? Hjördís Eva Þórðardóttir skrifar Skoðun Háskólaþorpið Bifröst og fólkið sem gleymdist Margrét Jónsdóttir Njarðvík skrifar Skoðun Körfubolti á tímum þjóðarmorðs Bjarni Þór Sigurbjörnsson skrifar Skoðun Draugagangur í Alaska Hannes Pétursson skrifar Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar Skoðun 76 dagar Erlingur Sigvaldason skrifar Skoðun Í minningu körfuboltahetja Snæbjörn Guðmundsson skrifar Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar Skoðun Húsnæðisbæturnar sem hurfu Ragnar Sigurður Kristjánsson skrifar Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar Skoðun Hjartans mál í kennslu Sigurður Árni Reynisson skrifar Skoðun Hunsuðu menntamálin – en ætla nú að bjarga þeim Sigurður Kári Harðarson skrifar Skoðun Sporin þín Valtýr Soffía Sigurðardóttir skrifar Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar Skoðun Sjallar og lyklaborðið Sigfús Ómar Höskuldsson skrifar Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar Skoðun „Stóra fallega frumvarpið“ hans Trump Gunnar Alexander Ólafsson skrifar Skoðun Verndun vatns og stjórn vatnamála Ólafur Arnar Jónsson,Sigurður Guðjónsson skrifar Skoðun Gegn hernaði hvers konar Gunnar Björgvinsson skrifar Skoðun Hvers vegna sífellt fleiri sækjast eftir einveru Ingrid Kuhlman skrifar Skoðun Þriggja stiga þögn Bjarni Karlsson skrifar Skoðun Nú þarf að gyrða sig í brók Gunnlaugur Stefánsson skrifar Skoðun Lesblindir og stuðningur í skólum Snævar Ívarsson skrifar Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar Skoðun Rýnt í stöðu kvenna með örorkulífeyri Huld Magnúsdóttir skrifar Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar Sjá meira
Það er oft sagt að sköpun sé hjarta samfélagsins. Við þekkjum öll innblásturinn sem listir veita okkur - hvort heldur sem er í gegn um tónlist, myndlist, dans, ljóð, húmor, … - allt gefur þetta lífinu lit. En það er ákveðið litleysi yfir samfélaginu í dag. Ekki bara vegna þess að dagurinn styttist stöðugt heldur er ákveðinn þungi yfir öllu. Mér líður eins og samfélagið sé í ákveðnu þunglyndi núna. Efnahagsmálin eru þung. Stjórnmálin eru þung. Heilbrigðismálin, menntamálin og meira að segja lýðræðið er þunglamalegt. Það er búinn að vera langur aðdragandi að þessum skyndikosningum sem er verið að demba yfir okkur daginn fyrir aðventuna - enn eitt vesenið sem stjórnmálin eru að angra okkur með. Og hvað svo? Fáum við það sama aftur á næsta kjörtímabili þangað til flokkspólitíkinni dettur í hug að sinna lýðræðinu aftur - rétt í kringum kosningar? Hvað getum við gert til þess að laga þetta? Kjósum öðruvísi Já. Nú er tími til þess að gera eitthvað öðruvísi eins og Einstein sagði. Sköpun kemur víða við sögu, meðal annars í tækni, opinberri stjórnsýslu og lýðræði. Sköpun er drifkraftur framfara og velferðar. En hvað gerist þegar við gleymum að styðja við þessa krafta? Sköpun er ekki aðeins efnahagslegt mál, hún er einnig menningarleg eða félagsleg. Til að byggja upp sterkt og sjálfbært hagkerfi verðum við að fjárfesta í sköpun á öllum sviðum samfélagsins - út um allt land. Aðgengi að menningu er næring fyrir sálina og lýðræðið Listir og menning spegla ekki aðeins samfélagið; þær móta það einnig. Þegar við tryggjum að allir hafi aðgang að listum og menningu, óháð efnahag eða stöðu, stuðlum við að heilbrigðara og réttlátara samfélagi. Píratar telja mikilvægt að líta á menningu og skapandi greinar sem eina af undirstöðuatvinnugreinum þjóðarinnar og sem efnahagslega og samfélagslega fjárfestingu fyrir framtíðina, en ekki sem kostnað líðandi stundar. Áhersla á listmenntun og nýsköpun í menntakerfinu Listmenntun leikur lykilhlutverk í að rækta gagnrýna hugsun, skapandi færni og almennt læsi á samfélagið. Með því að efla listmenntun á öllum skólastigum stuðlum við að fjölbreyttu og kraftmiklu menningarlífi. Píratar vilja leggja áherslu á einstaklingsmiðað nám sem tekur mið af hæfileikum og áhuga hvers nemanda. Með því að innleiða nýsköpun í menntakerfinu - ekki bara á sviði hinna klassísku og óhefðbundnu listgreina heldur líka með kennslu í gervigreind, gagnavísindum og forritun - undirbúum við komandi kynslóðir fyrir framtíðaráskoranir. Aðgengi að listum og menningu fyrir alla Píratar vilja tryggja að allir hafi jafnan rétt til að njóta lista og menningar, óháð efnahag, búsetu eða uppruna. Með því að auka aðgengi að listmenntun og menningarstofnunum, hampa barnamenningu og styðja við menningarstofnanir, stuðlum við að félagslegri samheldni og efnahagslegri þróun. Aðgangur að menningu er næring fyrir bæði sálina og lýðræðið og stuðlar auk þess að heilbrigðu og skapandi samfélagi. Nýsköpun sem drifkraftur efnahagslífsins Nýsköpun út um allt land er lykillinn að sjálfbærri verðmætasköpun. Einföldum hvernig við stofnum og fjármögnun nýsköpunarfyrirtæki og aukum styrki til grænna sprota. Þannig getum við byggt upp fjölbreytt og öflugt samfélag. Efnahagsleg rörsýn atvinnulífsflokkanna gleymir alltaf heildarsamhenginu. Þó atvinnulífið sé mikilvægt þá er það bara hluti af samfélaginu í heild sinni. Píratar vilja byggja upp aðstöðu til nýsköpunar á öllum sviðum samfélagsins í náinni samvinnu við bæði sveitarfélög og frumkvöðla ásamt því að innleiða nýsköpun í opinberum rekstri ná þannig hagræðingu með nýrri tækni og þekkingu. Sköpun í opinberri stjórnsýslu og lýðræði Nýsköpun á ekki aðeins við um atvinnulífið heldur einnig um opinbera stjórnsýslu. Með því að innleiða nýskapandi lausnir í stjórnsýslunni getum við aukið skilvirkni, gagnsæi og þátttöku almennings. Píratar vilja efla lýðræðislega þátttöku og ábyrgð með því að tryggja frumkvæðisrétt og málskotsrétt almennings í nýrri stjórnarskrá, sem mun stuðla að heilbrigðara og skapandi lýðræðissamfélagi. Við þurfum að taka valdið af stjórnmálaflokkunum þannig að það sé ekki bara lýðræði á fjögurra ára fresti eða hvenær sem þeim dettur í hug að boða til skyndikosninga. Sköpun sem grunnur að sjálfbærri framtíð Sjálfvirknivæðing, gervigreind og aðrar tækninýjungar breyta samfélaginu hratt. Til að tryggja að Ísland sé í fararbroddi í þessari þróun þarf að efla menntun og færniþróun í tengslum við gervigreind og nýsköpun. Píratar vilja gera Ísland að miðstöð þekkingar og grænnar nýsköpunar með því að stofna alþjóðlegt þekkingar- og nýsköpunarsetur á sviði umhverfis- og loftslagsmála og auka samvinnu við háskóla innan lands og utan. Samspil sköpunar og efnahagsmála Sköpun hefur ekki aðeins menningarlegt gildi; hún er efnahagslegt afl sem drífur samfélagið áfram. Því þegar allt kemur til alls þá er hagkerfið í raun ekkert annað en samskipti milli fólks með tungumáli sem heitir gjaldmiðill. Eins og uppáhalds hagfræðingurinn minn segir, að til þess að skilja hagkerfið þá þarf að skilja mannlega hegðun. Ekkert tjáir mannlega hegðun meira en sköpun - í víðu samhengi þess orðs. Með því að fjárfesta í sköpun á öllum sviðum - í listum, menntun, tækni, opinberri stjórnsýslu, lýðræði - getum við byggt upp sterkt, sjálfbært og réttlátt samfélag. Það er kominn tími til að viðurkenna að sköpun er aðal efnahagsmálið og gera hana að forgangsatriði í stefnumótun og fjárfestingum. Píratar vilja stunda nýja pólitík sem setur sköpun í forgrunn, til hagsbóta fyrir alla þjóðina. Höfundur skipar 1. sæti á lista Pírata í Reykjavíkurkjördæmi suður.
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar
Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar
Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar
Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar
Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar
Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar
Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei skrifar
Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar
Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun