Drungilas í eins leiks bann

Drungilas var rekinn út úr húsi í leiknum 29. nóvember en hann mótmælti kröftuglega eins og sjá má í myndbandinu hér fyrir neðan.

Aga- og úrskurðarnefnd KKÍ úrskurðaði ekki í málinu á þriðjudaginn fyrir viku og því gat Drungilas spilað leikina gegn Keflavík í Bónus deildinni og VÍS-bikarnum. Keflvíkingar unnu báða leikina.

Næsti leikur Tindastóls er gegn Njarðvík annað kvöld og þar verður Drungilas fjarri góðu gamni.

Tindastóll er í 2. sæti Bónus deildarinnar með fjórtán stig, tveimur stigum á eftir toppliði Stjörnunnar.