Á bak við hvert vanda­mál er barn sem líður illa

„Ég og kollegar mínir hafa verið að vinna með kennurum inni í almennsum skólum og við erum klárlega að sjá breytt umhverfi,“ segir Atli Freyr Magnúrsson, klínískur atferlisfræðingur.

Það sé fjölbreyttari nemendahópur í skólum og þar af leiðandi fjölbreyttari vandamál sem kennarar þurfa að eiga við.

„Það má oft á tíðum koma til móts við þessa krakka,“ segir Atli.

Mikil vitundavakning hafi átt sér stað meðal barna varðandi réttindi sín. Atli segist finna fyrir þessar vakningu innan skólasamfélagsins. 

„Ég finn fyrir því þegar ég kem inn í skólan að kenna námskeið og veita rágjöf að margir eru óöruggir í þessum nýja veruleika. Ég tel þessar breytingar vera mjög góðar þó svo að skrefin sem þarf að taka til þess að ná fram og að vinna meðfram réttindi barna séu erfið, er það umhverfið sem allir vilja vinna í,“ segir Atli.

Ákveðið óöryggi sé meðal kennara um hvaða skref eigi að taka og geti það skapað óöryggi hjá börnunum.

„Síðan má ekki gleyma því í öllu þessu að það er vandamál í grunnskólum en á bak við öll þessi mál eru börn í vanda og þessi vandi verður ekki leystur öðruvísi heldur en að komast til móts við börnin. Þetta eru börn sem að líður illa og þau eru að missa stjórn á skapi sínu í skólanum, sem er klárlega erfitt fyrir skólasamfélagið, en á bak við hvert og eitt mál er barn sem líður illa og þarf á aðstoð að halda.“