Ís­lands­met féll í Andorra

Úrslitahluti á degi tvö byrjaði með látum í kvöld. Eva Margrét Falsdóttir gerði sér lítið fyrir og sigraði í 200 metra fjórsundi. Bætti hún einnig tíma sinn um eina sekúndu. 

Birgitta Ingólfsdóttir tryggði Íslandi annað gull í 100 metra bringusundi og þriðja gullið kom einnig í 100 metra bringusundi þegar Einar Margeir synti þar til sigurs.

Snæfríður Sól Jórunnardóttir náði í fjórða gullið í 200 metra skriðsundi. Vala Dís Cicero kom önnur í mark og nældi sér í silfur.

Fimmta gullið kom síðan í 4x100 metra fjórsundi kvenna. Sveitina skipuðu þær Ylfa Lind, Birgitta Ingólfs, Nadja Djurovic og Snæfríður Sól.

Nýtt Íslandsmet og sjötta gullið kom í 4x100 metra fjórsundi karla. Syntu þeir á 3:43,14 mínútu og bættu gamla metið síðan 2023 um rúmar 3 sekúndur. Bættu þeir Guðmundur Leó Rafnsson, Snorri Dagur Einarsson, Birnir Freyr Hálfdánarson og Símon Elías Statkevicius einnig mótsmetið í greininni.

Ylfa Lind Kristmannsdóttir tryggði sér bronsverðlaunin í 200 metra fjórsundi og bætti hún tíma sinn um tvær sekúndur, Birnir Freyr Hálfdánarson tryggði sér bronsverðlaun í 200 metra fjórsundi karla

Bronsverðlaunin komu einnig í hlut Snorra Dags Einarssonar í 100m bringusundi og Ýmir Chatenay Sölvason fékk einnig brons í dag, í 200m skriðsundi.

Veigar Hrafn Sigþórsson varð fimmti í 200 metra fjórsundi á sínum besta tíma. Eva Margrét Falsdóttir synti einnig 100 metra bringusund í dag og varð þar í fimmta sæti. Katja Lilja Andryisdóttir synti 1500 metra skriðsund, hún varð fjórða.

Þeir Andri Már Kristjánsson og Hólmar Grétarsson syntu 1500 metra skriðsund. Varð Andri í fimmta sæti og Hólmar í því sjötta.

Samtals vann Ísland því sex gull, eitt silfur og fjögur brons í dag. Mótið heldur áfram á morgun.