Fjórir á­kærðir í tengslum við morðið á C.Gambino

Þann 4. júní 2024 var rapparinn C. Gambino skotinn til bana í bílastæðahúsi í Gautaborg í Svíþjóð en mánuði fyrr hafði hann hlotið hin sænsku Grammmis-verðlaun.

Í dag hafa fjórir menn, allir á þrítugsaldri, verið ákærðir í tengslum við málið. Tveir eru ákærðir fyrir morð, aðkomu að morði og alvarlegt vopnalagabrot. Þriðji maðurinn er ákærður fyrir aðild að morði. Hann, auk fjórða mannsins, er grunaður um að hafa kveikt í bíl sem þeir notuðu til að aka af vettvangi.

„Ódæðið er bæði gáleysislegt og gert af ráðnum hug,“ er haft eftir saksóknaranum Sharzad Rahimi í fréttatilkynningu, að því er sænska ríkisútvarpið greinir frá.

Kenning lögreglunnar er sú, að sögn Aftonbladet, að rapparinn hafi tengst gengjastríði í Biskopsgården, þó óljóst sé hvers vegna rapparinn hafi verið í sigti árásarmannanna. Rahimi segir að morðið tengist átökum tveggja „samtaka“ sem staðið hafa yfir í mörg ár.

Mia Sandros, lögmaður fjölskyldu rapparans, vill aftur á móti meina að C. Gambino sé ekki liðsmaður glæpagengis og telur ólíklegt að gengjastríð hafi nokkuð með manndrápið að gera.  „Sonur skjólstæðings míns var ekki í glæpagengi,“ hefur sænska ríkisútvarið eftir Sandros.