Innlent

Með hvalssporð um hálsinn við þing­festingu

Sólrún Dögg Jósefsdóttir skrifar
Elissa og Anahita ásamt stuðningsmönnum við þingfestingu málsins í morgun.
Elissa og Anahita ásamt stuðningsmönnum við þingfestingu málsins í morgun. Visir/Anton Brink

Mál Anahitu Babaei og Elissu Bijou var þingfest í Héraðsdómi Reykjavíkur fyrir skömmu. Báðar voru þær viðstaddar ásamt stuðningsmönnum. 

Þær hafa verið ákærðar fyrir húsbrot og brot gegn lögum um siglingarvernd með því að hafa, mánudaginn 4. september 2023, farið í heimildarleysi um borð í hvalveiðiskipin Hval 8 og Hval 9, komið sér þar fyrir í tunnu í mastri skipsins og neitað að yfirgefa skipið þrátt fyrir fyrirmæli lögreglu þar um. Þær dvöldu í möstrunum í um 30 klukkustundir 

Fréttastofa ræddi við Anahitu og Elissu í gær. Þær segja málið snúast um rétt borgara til friðsamlegra mótmæla. 

Ljósmyndari Vísis var á svæðinu þegar þær mættu við héraðsdóm í morgun. Af myndum má sjá mann fyrir aftan sem heldur á skilti sem líkist talblöðru. „Að vernda okkur er ekki glæpur,“ stendur inni í talblöðrunni. 

Á annarri mynd sést Elissa halda uppi hvalssporði á hálsmeni sem hún hefur um hálsinn. 

Mótmælendurnir klæddust rauðu.Vísir/Anton Brink
Hér glittir í skiltið umrædda. Vísir/Anton Brink
Linda Íris Emilsdóttir er annar lögmanna kvennanna.Vísir/Anton Brink
Dómsmál Mótmæli í tunnum Hvals 8 og 9

Tengdar fréttir

Ákærðar tveimur árum eftir tunnumót­mælin

Á morgun verður þingfest ákæra í héraðsdómi Reykjavíkur gegn Anahitu Babaei og Elissu Bijou fyrir að hafa hlekkjað sig við tunnur Hvals 8 og Hvals 9 og setið þar sem fastast í mótmælaskyni þar til lögregla skarst í leikinn. Lögmenn kvennanna segja grundvallarreglur um meðalhóf og jafnræði hafa lotið í lægra haldi fyrir refsistefnu sem vegur að grunnstoðum réttarríkisins.

Mest lesið


Fleiri fréttir

Sjá meira


×

Mest lesið