Fíll ruddist inn í mat­vöru­verslun

Um var að ræða fullorðið karldýr sem hefur af starfsmönnum þjóðgarðsins gengið undir nafninu Plai Biang Lek. Fíllinn hélt fyrst til fyrir utan verslunina nærri Khao Yai-þjóðgarðinum áður en ruddist inn og notaðist við ranann til að kanna hvað væri í boði í hillum verslunarinnar.

Fíllinn gaf lítið fyrir tilraunir starfsmanna þjóðgarðsins að koma honum út úr versluninni en yfirgaf þó að lokum verslunarrýmið með snakkpoka.

Verslunareigandinn Kamploy Kakaew segir að fíllinn hafi tekið níu snakkpoka, samloku og þurrkaða banana. Skemmdir í versluninni voru í raun óverulegar þó að hann hafi skilið eftir drullu bæði á gólfinu og loftinu.

Í frétt AP segir að áætlað sé að villtir fílar hafi verið um fjögur þúsund í Taílandi árið 2024.