Fótbolti

Barcelona snýr loks aftur á Nývang en ekki að fullu

Ágúst Orri Arnarson skrifar
Lamine Yamal varð yngsti leikmaður sögunnar til að spila á Camp Nou árið 2023 en hefur ekki spilað þar síðan.
Lamine Yamal varð yngsti leikmaður sögunnar til að spila á Camp Nou árið 2023 en hefur ekki spilað þar síðan. Jose Breton/Pics Action/NurPhoto via Getty Images

Eftir tvö ár á Ólympíuleikvanginum er Barcelona loks á leið aftur á sinn heimavöll, Nývang eða Camp Nou. Liðið mun leika æfingaleik þar þann 10. ágúst en bíða þarf lengur eftir því að sjá völlinn fullan af fólki aftur.

Barcelona hefur eytt undanförnum tveimur árum í framkvæmdir, verið er að stækka stúkuna svo hún geti tekið við 105.000 áhorfendum. Framkvæmdir hófust sumarið 2023 og áttu að ljúka að fullu í desember 2024 en sú áætlun hefur ekki gengið eftir.

Nú er Barcelona hins vegar loksins á heimleið og tilkynnti í dag að fyrsti heimaleikurinn fari fram þann 10. ágúst. Þá verður leikinn hinn árlegi leikur um Joan Gamper heiðursbikarinn, vináttuleikur sem Barcelona heldur á hverju ári til heiðurs stofnanda félagsins. Andstæðingurinn hefur ekki verið tilkynntur enn.

Framkvæmdir hafa staðið yfir á Nývangi síðustu tvö ár. getty

Framkvæmdum er þó ekki enn lokið og fyrst um sinn verður áhorfendafjöldi takmarkaður, milli fimmtíu og sextíu þúsund.

Þá greindi Marca frá því í fyrradag að Barcelona hafi beðið spænska knattspyrnusambandið um að stilla leikjaplani sínu þannig að Barcelona spili fyrstu þrjá leiki tímabilsins á útivelli.

Spænski boltinn

Mest lesið


Fleiri fréttir

Sjá meira


×

Mest lesið