Sport

Snorri Dagur að­eins fimm sekúndu­brotum frá verð­launasæti á EM

Óskar Ófeigur Jónsson skrifar
Snorri Dagur Einarsson er farinn að nálgast Íslandsmet Antons Sveins McKee.
Snorri Dagur Einarsson er farinn að nálgast Íslandsmet Antons Sveins McKee. Sundsamband Íslands

Snorri Dagur Einarsson varð í fjórða sæti í 50 metra bringusundi á Evrópumeistaramótinu 23 ára og yngri sem hófst í morgun í Samorín í Slóvakíu.

Snorri Dagur varð sjöundi inn í úrslitin á 27,98 sekúndum en bætti sinn tíma og fóru upp um þrjú sæti í úrslitasundinu.

Hann kom í mark á 27,63 sekúndum sem er nýtt persónulegt met. Íslandsmetið í 50 metra bringusundi á Anton Sveinn McKee en það er 27,46 sekúndur.

Þetta var frábær sund hjá þessum efnilega sundmanni og magnað að bæta sig svona mikið á stóra sviðinu.

Snorri var aðeins fimm sekúndubrotum frá verðlaunasætinu því Pólverjinn Dawid Wiekiera kom þriðji í mark á 27,58 sekúndum.

Austurríkismaðurinn Luka Mladenovic varð Evrópumeistari á 26,72 sekúndum en í öðru sæti varð Úkraínumaðurinn Volodymyr Lisovets á 27,29 sekúndum.

Mótið heldur áfram í fyrramálið en þá synda þau:

  • Birgitta Ingólfsdóttir 100 metra bringusund
  • Birnir Freyr Hálfdánarson 50 metra baksund
  • Guðmundur Leo Rafnsson 50 metra baksund
  • Símon Elías Statkevicius 50 metra skriðsund
  • Einar Margeir Ágústsson 200 metra bringsund,
  • Eva Margrét Falsdóttir 400 metra fjórsund
Sund

Mest lesið


Fleiri fréttir

Sjá meira


×

Mest lesið