Næsti Bond undir þrí­tugu og þrír efstir á blaði

Þetta kemur fram í frétt Varietyum málið.

Í fyrradag var greint frá því að fransk-kanadíski leikstjórinn Denis Villeneuve hefði verið ráðinn sem leikstjóri næstu myndar um James Bond, þeirrar 26. í röðinni. Sökum þess að Villeneuve er enn að vinna að Dune: Messiah og framleiðslan er skammt á veg komin mun myndin ekki koma út fyrr en í fyrsta lagi 2028.

Næsta skref er að finna handritshöfund fyrir myndina og síðan leikarann sem mun bregða sér í hlutverk spæjarans sjarmerandi.

Heimildarmenn Variety segja framleiðendurna vilja breskan leikara undir þrítugu og að þeir Tom Holland, sem er þekktastur fyrir að leika Köngulóarmanninn; Jacob Elordi, sem lék í Saltburn, Euphoria og Priscilla og Harris Dickinson, sem lék nýlega í Babygirl og mun leika John Lennon í ævisögulegri mynd um tónlistarmanninn.

Elordi er vissulega Ástrali en það virðist í lagi hjá framleiðendunum enda hefur Ástrali áður leikið Bond þó það hafi bara verið í einni mynd, George Lazenby lék einungis í On Her Majesty’s Secret Service.

Séu þessi aldursviðmið ströng er ljóst að hinn 35 ára Aaron Taylor-Johnson, sem fréttastofa Sky fullyrti í fyrra að hefði fengið boð um að leika Bond, er úr leik. Það sama má segja um hinn 52 ára Idris Elba, hinn 47 ára Tom Hardy og hinn 42 ára Henry Cavill sem hafa líka verið sterklega orðaður við hlutverkið.

Það verður áhugavert að fylgjast með leitinni að næsta Bond og ljóst að framleiðendurnir geta ekki dólað of lengi.