Slær á létta strengi í þinginu og af­henti ráð­herra „Gyllta tappann“

„Þetta varðar lýðheilsu, það augnablik eða sú mínúta sem það tekur að skrúfa tappann á það minnkar svona lífsvilja manns allaveganna um stund. Því þetta er algjörlega óþolandi hegðun á tappanum,“ sagði Jón Pétur í ræðunni sem vakti þónokkra athygli.

„Ein ræða er sú sem ég minnist með brosi á vör. Sú ræða varð umtöluðu en hún fjallaði um hætturnar sem fylgja áföstum plasttöppum. Öllu gamni fylgir alvara og þetta frumvarp var innleiðing á regluverki ESB. Hægt er að ræða það á marga vegu en ég reyndi amk að hafa smá húmor í ádeilu minni,“ segir Jón Pétur á X í kvöld.

Flestir hafi skilið nálgun hans en ekki allir. Í tengslum við þessa umræðu hafi hann ákveðið, þegar þinglok nálgast, að veita einum ráðherra „Gyllta tappann“ og segir það hafa verið við hæfi að ráðherrann sem lögfesti áfasta tappa fengi verðlaunin.

Með færslunni fylgir myndband þar sem hann afhenti Jóhanni Páli tappann í mjög svo umhverfisvænum umbúðum, Nettó poka. Í myndbandinu má heyra Guðrúnu Hafsteinsdóttur, formann Sjálfstæðisflokksins, tala um að tala mynd af þessu og aðra taka undir.

„Þú ræddir þetta mál meira en ég,“ segir Jóhann Páll,“ segir Jón Pétur gengur til hans og segir:

„Þú færð þessi verðlaun frá mér vegna þess að sú ræða sem ég hef flutt í þinginu sem ég hef haft mest gaman af, en var að ákveðnu leyti líka erfið, var ræða þegar við áttum í smá samtali um plasttappa, og hér færðu gyllta plasttappann.“

Þingmenn og ráðherrar fagna og taka myndir

Í myndbandinu má sjá Þorbjörgu Sigríði Gunnlaugsdóttur dómsmálaráðherra og aðstoðarmenn hennar Jakob Birgisson fagna auk Kristjáns Þórðar Snæbjörnssonar þingmanns Samfylkingarinnar.

Við lok myndbandsins fær formaðurinn, Guðrún Hafsteinsdóttir, svo að taka mynd af þeim saman með verðlaunin.