Salibuna á sirkustjaldinu og lé­legir lista­menn

Uppátækið átti sér hins vegar eðlilegar skýringar þar sem í ljós kom að þarna voru starfsmenn á ferð að ganga frá tjaldinu.

Lögreglu barst einnig tilkynning um aðila sem var sagður vera að sprauta sig með vímuefnum inni á almenningssalerni. Var hann búinn að neyta efnanna þegar lögreglu bar að garði og „gekk í burtu í góðu skapi“, eins og segir í yfirliti lögreglu yfir verkefni næturinnar.

Þar er þess einnig getið að lögreglu hafi ekki þótt mikið til koma þegar hópur pilta tók sig til og málaði á veggi menntaskóla.

„Drengirnir farnir þegar lögregla kom á vettvang en þeir sáust í öryggismyndavélakerfi. Veggirnir ekki flottari fyrir vikið að mati lögreglumanna. Málið í rannsókn,“ segir lögregla.

Lögregla var einnig látin vita eftir að ökumaður bakkaði harkalega á annan við umferðarljós og ók síða í burtu. Sá sem tilkynnti elti bakkarann en sá lagði bifreið sinni og tók svo til fótanna. Málið er í rannsókn.

Einn var handtekinn í miðborginni eftir að hann neitaði að yfirgefa bar, þar sem hann hafði verið með ógnandi tilburði og valdið eignaspjöllum. Var hann verulega ölvaður og greip í lögreglumanna.

Þrír voru handteknir fyrir vímuakstur í miðborginni, á aðeins ellefu mínútum.