Hyggjast greiða 60 þúsund á ári fyrir öll börn undir þriggja ára

Um er að ræða nýtt átak til að hvetja fólk til barneigna en það er talið munu nýtast um það bil 20 milljón fjölskyldum. 

Fjöldi staðaryfirvalda bjóða nú þegar upp á styrki þegar kemur að barneignum, til að mynda fá íbúar borgarinnar Shenyang í Liaoning-héraði 500 júan á mánuði fyrir þriðja barnið, þar til það verður þriggja ára.

Fjárhagslegir styrkir virðast virka sem hvatar til barneigna en dæmi eru um viðsnúning í mannfjöldaþróun þar sem þeir hafa verið teknir upp, til að mynda í Panzhihuga í Sichuan-héraði og Tianmen í Hubei-héraði.

Kína er meðal þeirra ríkja sem standa frammi fyrir lækkandi fæðingatíðni og auknum fjölda eftirlaunaþega. 

Fæðingum fækkaði sjö ár í röð áður en þeim fjölgaði örlítið í fyrra en íbúar 60 ára og eldri telja nú 310 milljónir.