Kári reynir að hjálpa HK upp um deild

Kári var í ágætlega stóru hlutverki á síðustu leiktíð og kom til að mynda við sögu í öllum leikjum liðsins á leið þess að bikarmeistaratitlinum. Í ár er sagan önnur. Hefur leikmaðurinn aðeins komið við sögu í sjö deildar- og bikarleikjum.

Bakvörðurinn hefur því ákveðið að færa sig tímabundið um set og semur við HK á láni út leiktíðina.

HK situr í 5. sæti 1. deildar en þó aðeins fimm stigum á eftir toppliði ÍR. Liðið í 1. sæti fer beint upp í Bestu deildina á meðan liðin í 2. til 5. sæti fara í umspil.