Viðskipti innlent

Tekjur Isavia jukust um tæpa 1,2 milljarða króna milli ára

Atli Ísleifsson skrifar
Á fyrstu sex mánuðum ársins fóru um 3,7 milljónir farþega um Keflavíkurflugvöll.
Á fyrstu sex mánuðum ársins fóru um 3,7 milljónir farþega um Keflavíkurflugvöll. Vísir/Anton

Rekstrarafkoma af samstæðu Isavia fyrir afskriftir, fjármagnsliði og skatta (EBITDA) á fyrri helmingi ársins 2025 var jákvæð um 4.245 milljónir króna samanborið við 3.213 milljónir króna fyrir sama tímabil á síðasta ári. Það er betri niðurstaða en upphaflegar áætlanir félagsins gerðu ráð fyrir og nemur aukningin um 1.032 milljónum króna.

Þetta kemur fram í tilkynningu frá Isavia. þar segir að tekjur samstæðunnar hafi aukist um 1.192 milljónir króna milli tímabila og numið 24.453 milljónum króna. 

„Heildarafkoma tímabilsins var jákvæð um 1.130 milljónir króna samanborið við jákvæða afkomu upp á um 455 milljónir króna fyrir sama tímabil í fyrra.

Fjárfestingar samstæðunnar námu um 6.107 milljónum króna á fyrstu 6 mánuðum ársins samanborið við 8.533 fyrir sama tímabil í fyrra.   

Á fyrstu 6 mánuðum ársins fóru um 3,7 milljónir farþega um Keflavíkurflugvöll sem er um 1,8% aukning á milli ára.  

Lykiltölur úr hálfsársuppgjöri samstæðu Isavia 2025 

  • Tekjur: 24.453 milljónir króna 
  • Rekstrarhagnaður fyrir afskriftir, fjármagnsliði og skatta (EBITDA): 4.245 milljónir króna 
  • Heildarafkoma eftir skatta: 1.130 milljónir króna 
  • Handbært fé: 6.556 milljónir króna 
  • Fjárfestingar í varanlegum rekstrarfjármunum: 6.107 milljónir króna 
  • Eigið fé í lok tímabils: 50.421 milljónir króna 
  • Eiginfjárhlutfall: 42,1%,“ segir í tilkynningunni. 
Isavia Uppgjör og ársreikningar Fréttir af flugi Reykjavíkurflugvöllur Keflavíkurflugvöllur Akureyrarflugvöllur Egilsstaðaflugvöllur


Mest lesið


Fleiri fréttir

Sjá meira


×

Mest lesið