Rebekka Rut ný­liði í fyrsta landsliðshóp Salminen

Pekka Salminen tók við íslenska kvennalandsliðinu í körfubolta af Benedikti Guðmundssyni og fram undan eru leikir í undankeppni Evrópumótsins.

Salminen og þjálfarateymi hans völdu fimmtán manna landsliðshóp sem mun spila tvo leiki í G-riðli undankeppni EuroBasket 2027 gegn Serbíu og Portúgal.

Hópurinn kemur saman til æfinga á morgun, föstudag, og spilar fyrsta leik sinn í undankeppninni miðvikudaginn 12. nóvember gegn Serbíu kl. 19:30 í Ólafssal að Ásvöllum. Frítt er á leikinn í boði Bónus.

Rebekka Rut er eini nýliðinn en hún hefur staðið sig vel á sínu fyrsta tímabili í efstu deild og er með 18,0 stig og 3,3 stoðsendingar að meðaltali í leik í Bónus deild kvenna. 

Leikmennirnir fimmtán koma frá átta félögum þar af er Kolbrún María Ármannsdóttir sú eina sem spilar erlendis. Kolbrún leikur með Hannover Luchse í Þýskalandi