Fundar með Krist­rúnu, Þor­gerði og þing­mönnum á Ís­landi í dag

Þá mun Rutte taka þátt í fjölmiðlaviðburði ásamt forsætisráðherra síðdegis í dag að því er fram kemur í fréttatilkynningu frá NATO vegna heimsóknarinnar og verður fjölmiðlafundurinn í beinu streymi á heimasíðu bandalagsins.

Þetta er fyrsta heimsókn Mark Rutte til Íslands eftir að hann tók við stöðu framkvæmdastjóra NATO af Jens Stoltenberg í október 2024. Í heimsókninni mun Rutte meðal annars kynna sér aðstæður og starfsemi á öryggissvæðinu á Keflavíkurflugvelli. 

Samkvæmt tilkynningu frá utanríkisráðuneytinu mun Rutte funda með utanríkisráðherra á öryggissvæðinu og þá næst með forsætisráðherra í Reykjavík. Að því loknu mun hann heimsækja Alþingi þar sem Þórunn Sveinbjarnardóttir, forseti þingsins, tekur á móti honum og hann hittir þingmenn sem sitja í utanríkismálanefnd Alþingis og íslandsdeild NATO þingsins.

Fréttastofa mun fylgjast með heimsókninni og segja af henni fréttir á Vísi, Bylgjunni og í kvöldfréttum Sýnar í dag.