Snæ­fríður Sól í sjötta sæti á EM

Eftir gríðarlega sterkt sund meðal hröðustu sundkvenna Evrópu, þar sem meðal annars var bætt Evrópumet, náði Snæfríður 6. sætinu á 1:54:26 mín.

Hún byrjaði sitt sund hratt og örugglega og kom í bakkann aðeins 0,48 sekúndum frá sínu eigin Íslandsmeti, sem hún setti í undanúrslitum þessarar greinar.

Á morgun stingur Snæfríður sér aftur til sunds í 100 m skriðsundi ásamt Jóhönnu Elínu Guðmundsdóttur og Völu Dís Cicero, en einnig munu þeir Birnir Freyr Hálfdánarson, Guðmundur Leo Rafnsson og Ýmir Chatenay Sölvason synda sömu grein rétt á eftir.