Eftir­för lög­reglu yfir Hellisheiðina

Eigandi bifreiðarinnar segir í samtali við fréttastofu að úlpu hennar með bíllyklum hafi verið stolið í fatahengi á vinnustað hennar. Síðar sást til bifreiðarinnar við Olís í Norðlingaholti og náði lögreglan henni við Litlu Kaffistofuna. 

Þar sinnti ökumaðurinn ekki stöðvunarmerki lögreglu og við tók eftirför yfir Hellisheiðina. Lögreglan á Suðurlandi mætti bifreiðinni við Kambana þar sem eftirförinni lauk. 

Kona og maður voru handtekin á vettvangi grunuð um þjófnað og akstur undir áhrifum fíkniefna. Manninum var sleppt úr haldi að lokinni yfirheyrslu. Konan er enn í haldi lögreglu grunuð um fleiri brot. 

Málið er nú til rannsóknar hjá lögreglunni.