Níu ráð­herrar funda með Höllu

Óvenju fáir ráðherrar funduðu með Höllu Tómasdóttur forseta að þessu sinni, einungis níu talsins. Tvo ráðherra Flokks fólksins vantar. Guðmundur Ingi Kristinsson, menntamálaráðherra, er í veikindaleyfi, og Eyjólfur Ármannsson, iðnaðarráðherra, er í barneignaleyfi.

Fundir sem þessir eru venju samkvæmt haldnir í lok árs. Vanalega voru þeir á sjálfan gamlársdag, en Halla ákvað að bregða af vananum og hafa fundinn á næstsíðasta degi ársins svo ráðherrar og forseti geti notið áramótanna betur. 

Ekki þótti tilefni til þess í fyrra að hafa fund alveg í lok ársins vegna þess að þá var ríkisstjórn Kristrúnar Frostadóttur nýkomin til valda, og stutt frá síðasta ríkisráðsfundi.