Slys á Miklu­braut: Bíll hafnaði á vegriði

Lítið er vitað um slysið. Útkallið barst á tólfta tímanum í kvöld og um 0.30 voru viðbraðgsaðilar enn á vettvangi.

Steinþór Darri Þorsteinsson, varðstjóri slökkviliðsins á höfuðborgarsvæðinu, sagði í samtali við Vísi fyrir miðnætti að um alvarlegt slys væri að ræða en að öðru leyti kvaðst hann ekki vita meira um slysið.

Vettvangur slyssins á Miklubraut er fyrir neðan Rauðagerði og skammt vestur af umferðarslaufunni sem tengir Kringlumýrarbraut og Sæbraut. 

Fjöldi bíla í slysinnu liggur enn ekki fyrir, en einn bíll virðist hafa hafnað ofan á vegriði, að sögn sjónarvotts og af myndum að dæma. Mikið tjón er á ökutækinu.

Sjónarvotturinn taldi fleiri en tíu slökkviliðs-, lögreglu- og sjúkrafluttningabíla á vettvangi en Steinþór varðstjóri segir að tveir dælubílar hafi verið kallaðir út og fjöldi sjúkraflutningabíla úr nágrenninu.

Þegar blaðamaður mætti á vettvang upp úr miðnætti hafði einhver fjöldi fólks safnast við slysstað til að fylgjast með aðgerðum úr fjarlægð. Lögreglumenn sáu til þess að vegfarendur kæmust ekki nálægt aðgerðasvæðinu.

Fréttin hefur verið uppfærð.