Elvar var stiga- og stoðsendingahæstur í sigri

Anwil vann þá níu stiga sigur á Dabrowie Górniczej, 94-85, eftir að hafa verið sjö stigum undir í hálfleik, 52-45.

Anwil vann þriðja leikhlutann 24-13 og seinni hálfleikinn alls með sextán stigum.

Elvar skoraði 14 stig og gaf níu stoðsendingar og var bæði stiga- og stoðsendingahæstur í sínu liði.

Elvar hitti þó ekki vel því aðeins 3 af 11 skotum hans fóru rétta leið. Hann hitti aftur á móti úr sjö af átta vítum sínum, fiskaði sjö villur á mótherjana og stal fjórum boltum.

Anwil er í sjöunda sæti deildarinnar með ellefu sigra og átta töp.