Svekkjandi tap Tryggva og leiðin­legt at­vik í Baska­slag

Bilbao var yfir í hálfleik í leik þessara tveggja Baskaliða, 36-30, en missti gestina þremur stigum fram úr sér í þriðja leikhluta.

Tryggvi skoraði fyrstu körfu fjórða leikhluta og minnkaði muninn í eitt stig en þá komu ellefu stig í röð frá Baskonia sem lögðu grunninn að sigrinum.

Þar með er Baskonia í 5. sæti með 13 sigra úr 19 leikjum en Bilbao er í 9. sæti með 11 sigra úr 20 leikjum. Átta efstu liðin fara í úrslitakeppnina og eru bæði lið því í harðri baráttu um að komast þangað.

Leiðinlegt atvik varð strax á upphafssekúndum leiksins í kvöld þegar Senegalinn Khalifa Diop meiddist, eftir árekstur við Tryggva, og lá þjáður eftir á vellinum í nokkrar mínútur. Hann fór svo inn til búningsklefa og spilaði ekki meira í leiknum.