LaMelo Ball lenti í bíl­slysi

Á myndböndum frá slysstaðnum, sem má finna neðst í fréttinni, sést LaMelo labba út úr Hummer bifreið sem hafði klesst á KIA bíl á gatnamótum.

Samkvæmt heimildum The Athletic er LaMelo eigandi Hummer bílsins en óvíst er hvort hann hafi verið við stýrið.

LaMelo virðist ekki hafa slasast í bílslysinu, sem er jákvætt fyrir Charlotte Hornets því liðið á leik gegn Chicago Bulls í kvöld.

LaMelo hefur áður verið ákærður eftir að orðið valdur að bílslysi en það gerðist einnig í miðborg Charlotte. Móðir ellefu ára drengs sagði LaMelo hafa keyrt yfir fót sonar síns með þeim afleiðingum að hann fótbrotnaði.

Enn hefur ekki verið dæmt í málinu en móðirin fer fram á 25.000 dollara skaðabætur.