Var að vinna mara­þon en var þá meinaður að­gangur að markinu

Sheng Xueli var með gott forskot í Chongqing Wanzhou-maraþoninu 2026 þegar honum var ruglað saman við keppanda í hálfmaraþoni.

Xueli var stöðvaður og vísað út úr brautinni rétt áður en hann komst yfir marklínuna. Skipuleggjendur kenndu um regnblautum gleraugum starfsmannsins.

Hlauparinn var með gott forskot þegar hann nálgaðist marklínuna ruglaði ráðvilltur starfsmaður honum saman við þátttakanda í hálfmaraþoni og lokaði leið hans. Sheng var síðan vísað inn á endastöð fyrir þá sem kláruðu hálfmaraþonið.

Eftir ruglinginn leiddu starfsmenn hann að lokum til baka til að klára hlaupið táknrænt og lyfta höndum fyrir myndatöku af þessar stóru stund sem fylgir því að vinna maraþonhlaup.

Sheng upplýsti síðar að skyndistöðvunin á síðustu tíu metrunum hefði valdið tognun í fremri sköflungsvöðva.

Myndskeið af atvikinu fóru fljótt í dreifingu á netinu og ollu opinberri umræðu um stjórnun hlaupa.

Netverjar sögðu að „þetta hefði gerst oftar en einu sinni“ og kölluðu eftir því að maraþonhlaup í Kína yrðu „faglegri“. 

Atvikið má sjá hér fyrir neðan.