Þór vann Kjarnafæðimótið eftir sex­tán víta vítakeppni

Þórsarar tryggðu sér þá sigur á Kjarnafæðimótinu eftir sigur á KA í vítakeppni.

Leikurinn sjálfur endaði með 1-1 jafntefli þar sem Bjarni Guðjón Brynjólfsson kom Þór yfir en Jakob Héðinn Róbertsson jafnaði tveimur mínútum fyrir leikslok.

Úrslitin réðust því ekki fyrr en í vítakeppni og þar þurfti bráðabana og alls átta víti á lið til að fá úrslit.

Yann Emmanuel Affi tryggði Þór sigurinn með því að skora úr síðustu spyrnu Þórsara og tryggja þeim 7-6 sigur í vítakeppninni.

KA-maðurinn Mikael Breki Þórðarson hafði skotið yfir úr vítinu á undan.

Bæði lið höfðu klikkað á einni vítaspyrnu af fyrstu fimm.