Sjáðu Gylfa Þór bæta við marka­met sitt

Þetta var 28. mark Gylfa Þórs með íslenska landsliðinu en með því nær hann nú tveggja marka forskoti á næstu menn sem markahæsti leikmaður íslenska landsliðsins frá upphafi. 

Mark Gylfa í kvöld kom eftir stoðsendingu frá Loga Tómassyni og sýndi Gylfi mikla yfirvegun í afgreiðslu sinni. Haítí tókst að jafna leikinn undir lokin.

Lokatölur í Toronto 1-1 jafntefli. Jafntefli gegn Kanada og Haítí niðurstaðan í þessum landsleikjaglugga. 

Markaskorarinn Gylfi Þór undirbýr sig nú fyrir opnunarleik Bestu deildarinnar sem fer fram á föstudaginn í næstu viku þegar að Víkingar, sem eru ríkjandi Íslandsmeistarar, taka á móti Breiðabliki í sannkölluðum stórleik.