Jón Axel stoðsendingahæstur í mikil­vægum sigri

San Pablo var mun sterkari aðilinn í leik kvöldsins en bæði lið eru í neðri hluta spænsku úrvalsdeildarinnar um þessar mundir. Mest komst lið San Pablo 24 stigum yfir í leiknum en vann að lokum fjórtán stiga sigur. 

Jón Axel gaf ellefu stoðsendingar í leiknum og var stoðsendingahæsti leikmaður vallarins. Þá setti hann niður fimm stig og tók fjögur fráköst á þeim 23 mínútum sem hann spilaði. 

Sigur San Pablo gæti reynst afar mikilvægur þegar timabilið rennur sitt skeið en liðið erí fallbaráttu og er nú í síðasta örugga sæti deildarinnar og hefur verið á góðu skriði upp á síðkastið, unnið þrjá af síðustu fimm leikjum sínum.