Sindri stígur fyrsta skrefið í átt að úr­vals­deild

Sindramenn enduðu í 2. sæti fyrstu deildarinnar í vetur og þykja sigurstranglegri í þessu einvígi. Þeir byrjuðu allavega vel á heimavelli í kvöld gegn Breiðablik, sem endaði í 5. sæti deildarinnar.

Sigurinn var þó afskaplega naumur og venjulegur leiktími dugði ekki til að skilja liðin að. Eftir alveg æsispennandi leik var staðan 95-95 og liðin fóru í framlengingu.

Í framlengingunni voru heimamenn Sindra sterkari aðilinn, þó Breiðablik hafi fyrst komist yfir.

Srdan Stojanovic, Clayton Ladine og Gísli Þórarinn Hallsson settu mikilvæg skot niður og tryggðu Sindramönnum sigurinn.

Gísli Þórarinn var stigahæstur hjá Sindra með 30 stig í kvöld en Sardaar Calhoun var stigahæstur allra leikmanna með 39 stig.