Innlent

Þóra og Ríkis­út­varpið sýknuð af kröfum Páls skip­stjóra

Árni Sæberg skrifar
Páll Steingrímsson, Þóra Arnórsdóttir og Stefán Eiríksson útvarpsstjóri.
Páll Steingrímsson, Þóra Arnórsdóttir og Stefán Eiríksson útvarpsstjóri. Vísir

Ríkisútvarpið og Þóra Arnórsdóttir, fyrrverandi starfsmaður þess, hafa verið sýknuð af öllum kröfum Páls Steingrímssonar skipstjóra. Hann krafðist milljóna króna í miskabætur vegna ætlaðra brota starfsmanna Rúv gegn friðhelgi einkalífs hans.

Þetta staðfestir Berglind Svavarsdóttir, lögmaður Þóru í málinu, en dómur var kveðinn upp í málinu klukkan 15. Ríkisútvarpið greindi fyrst frá. Þinghald í málinu var lokað en vænta má þess að dómur verði birtur innan skamms.

Líkt og Vísir fjallaði um á sínum tíma krafðist Páll fjögurra milljóna króna vegna meintrar byrlunar fyrrverandi eiginkonu Páls, veikinda hans í kjölfarið og meints stuldar á síma hans. Starfsmenn Ríkisútvarpsins hefðu tekið við símanum, skoðað og afritað gögn úr honum og komið til blaðamanna Heimildarinnar og Kjarnans, sem hafi í framhaldinu unnið fréttir upp úr gögnunum.

Í stefnu Páls sagði að á því væri byggt að um væri að ræða refsiverð og skaðabótaskyld hegningarlagabrot sem brytu gegn rétti Páls til friðhelgi einkalífs og sem ekki yrði réttlætt með heimildum blaðamanna til gagnaöflunar.

Embætti Lögreglustjórans á Norðurlandi eystra ákvað í lok september árið 2024 að hætta rannsókn í málinu. Sex blaðamenn fengu réttarstöðu sakbornings í málinu auk fyrrverandi eiginkonu Páls.

Byrlunar- og símastuldarmálið Dómsmál Fjölmiðlar Samherjaskjölin Ríkisútvarpið

Tengdar fréttir

Páll skipstjóri hvergi nærri hættur

Eva Hauksdóttir, lögmaður Páls Steingrímssonar fyrrverandi skipstjóra hjá Samherja, er að leggja lokahönd á kæru á niðurfellingu rannsóknar lögreglunnar á Norðurlandi eystra á meintri byrlun til ríkissaksóknara. 

Páll leitar til ríkissaksóknara

Páll Steingrímsson fyrrverandi skipstjóri hjá Samherja hefur kært til ríkissaksóknara ákvörðun Lögreglunnar á Norðurlandi að fella niður rannsókn á meintri byrlun, afritun á upplýsingum úr síma og dreifingu á kynferðislegu myndefni. Eva Hauksdóttir, lögmaður Páls, staðfestir kæruna við Ríkisútvarpið.

Mest lesið


Fleiri fréttir

Sjá meira


×

Mest lesið