Dag­bjartur einu skrefi frá Opna banda­ríska

Dagbjartur var á meðal fjölmargra sem freistuðu þess að komast inn á lokaúrtökumótið en aðeins fjögur sæti voru í boði á mótinu sem fram fór á Berkshire Hills í gær.

Þar endaði Dagbjartur jafn tveimur öðrum í 2. sæti, á -2 höggum, einu höggi á eftir Jared Nelson sem varð efstur.

Lokaúrtökumótið fyrir Opna bandaríska mótið skiptist niður á þrjá daga, eða 18. maí, 25. maí og 8. júní, og leikur hver kylfingur 36 holur á einum þessara daga, um sæti á risamótinu virta. Margir af sterkustu kylfingum heims, sem ekki hafa þegar tryggt sér þátttökurétt, verða á meðal keppenda.

Þetta er annað árið í röð þar sem Dagbjartur leikur á lokaúrtökumótinu fyrir Opna bandaríska. Síðast lék hann meðal annars með risamótsmeistaranum Padraig Harrington og Svíanum Alex Noren en komst ekki áfram.