Inter er bikar­meistari Ítalíu

Inter vann ítölsku deildina með yfirburðum og fagnaði sigri í bikarúrslitunum eins og búist var við gegn Lazio sem endaði í 9. sæti deildarinnar.

Inter var við völd frá upphafi leiks og Lazio varð fyrir miklu óláni á 14. mínútu þegar varnarmaðurinn Adam Marusic setti boltann óvart í eigið net eftir skalla Marcus Thuram.

Inter tók síðan tveggja marka forystu á 35. mínútu þegar Denzel Dumfries vann boltann á vallarhelmingi Lazio og renndi honum fyrir Lautaro Martinez sem kláraði færið vel.

Fyrsta skot Lazio kom á 45. mínútu, sem gefur ágætis mynd af yfirburðum Inter.

Inter hélt áfram yfirburðum sínum í seinni hálfleik. Denzel Dumfries hélt sérstaklega áfram að hrella Nuno Tavares og vann boltann af honum aftur á vallarhelmingi Lazio, en það skilaði ekki öðru marki.