Erlent

Fugla­flensan stráfelldi kópa á suður­skautinu

Gunnar Reynir Valþórsson skrifar
Fuglaflensan er sögð hafa stráfellt kópana á eyjunum. 
Fuglaflensan er sögð hafa stráfellt kópana á eyjunum.  Getty Images

Talið er að fuglaflensa hafi drepið þúsundir selkópa á eyjum við Suðurskautslandið sem tilheyra Ástralíu.

Þetta herma í það minnsta fyrstu niðurstöður nýrrar rannsóknar en á Heard & McDonald eyjunum sem eru í um 4000 kílómetra fjarlægð frá Ástralíu er fjölskrúðugt dýralíf sela og sjófugla af ýmsum tegundum.

Vísindamennirnir áætla að um 13 þúsund kópar af um 17 þúsunda kópa hópi hafi drepist á tímabilinu frá lokum október á síðasta ári og til loka janúar á þessu ári, eða rúmlega 75 prósent af öllum hópnum.

Mörgæsir á eyjunum hafa einnig farið illa út úr fuglaflensu og þar hafa mun fleiri slíkar drepist en í venjulegu árferði.

Suðurskautslandið Dýr Dýraheilbrigði

Mest lesið


Fleiri fréttir

Sjá meira


×

Mest lesið